Македонија
 

We are what we eat

02
Или во превод „Ние сме тоа што јадеме“ беше темата на предавањето кое се одржа во петокот во нашиот Центар со што се означи стартот на вториот дел од кампањата „Smart Chefs“ .

Нашите ученици од програмата Paul Ward and Treasure со големо внимание го следеа часот во текот на кој од Ана Азгур, сопственичката на ресторанот за здрава храна „Сурово и вкусно“ дознаа многу интересни информации за тоа како треба да се хранат здраво:

– Денот да започне со појадок, најдобро зелено или овошно смуди, кое ги содржи сите потребни витамини и дава енергија за целиот ден.
– Освен главните оброци во текот на денот задолжителни се две ужинки од овошје или некој суров здрав десерт.
– Да се избегнуваат шеќери, газирани пијалаци, вештачки произведена храна и брза храна.
– Редовно да ги читаат етитектите на храната кога ја купуваат – што покуса етикета, тоа е поздрава храната.
– Вистинската храна доаѓа од природата, расте во градината, се користи свежа и сезонски.
– Здравата храна има кус рок на траење. Што е подолг рокот на употреба тоа храната е понездрава.
– Најдобри грицки се сушено овошје, јаткасти плодови, свежо овошје и некои зеленчуци (кои можат да се јадат свежи)
– Вистинската храна нема потреба од додатоци, таа е додаток и нема етикета и т.н.
По завршување на предавањето учениците заено со Ана подготвија овесни плочки, кои се одлични како појадок, десерт или ужинка. Еве ја и рецептата за сите кои сакаат да ја пробаат

Овесни плочки
07
– 200 г овесни снегулки
– 100 г непечени бадеми
– 10 урми
– 2-3 лажици ленено семе
– 2-3 лажици сусам
– малку цимет
– неколку лажици органско какао
– агаве сируп

Урмите се киснат во вода да омекнат и се лупат. Во процесор за храна се мелат овесните снегулки да останат како брашно. Им се додаваат урмите, бадемите, семињата, циметот и какаото, па се блендира. На крај се додава агаве сируп за да се поврзе смесата и да може да се обликуваат разни форми – бомбици, плочки… Може веднаш да се конзумираат.


  • Доколку сакате да добивате поучни статии за развојот на децата, билингвализам и совети за учење јазик, внесете го вашиот email во празното поле.